Британката се обидува да влезе во трага на маж чие име спонтано го истетовирала на задникот за време на едно патување во 2012 година.
Кејли Вилијамс (32) била на одмор со четворица пријатели во Магалуф, Шпанија, кога запознала мистериозен маж и неговите пријатели на весело ноќно излегување.
Мажот понудил да плати 33 долари за да го напише неговото име Даниел Форд на нејзиното тело, а таа се согласила.
Оттогаш веќе една деценија го носи неговото име, ни помалку ни повеќе туку задникот.
– Сакам забави. Само се забавував со моите пријатели. На една вечер видовме група момци од Кардиф. Сите тие беа облечени како бебиња кои се тетовираат. Имаа пелени и се останато“, изјави Вилијамс за South West News Service.
– Момчето со кое разговарав во таа група луѓе рече „Зошто не си го истетовираш моето име, ќе платам“. Отпрвин мислев дека се шегува, а кога сфатив дека е сериозен, се согласив. Беше толку случајно – додала Британката.
Следното утро Кејли се разбудила мамурно од алкохол и со тетоважа „Даниел Форд“ на задникот, но тој човек никаде го немало.
– Тој остана во истиот хотел со мене, но тој ден замина. Тоа беше последен пат кога го видов – изјавила Кејли.
Таа додаде дека не ја интересира ништо посериозно, бидејќи во тоа време веќе имала врска.
Подоцна Вилијамс се вратила во Велика Британија и вели дека на нејзиното момче тогаш не му пречело што името на друг маж трајно и е втиснато на задникот, туку само се смеел.
Една деценија подоцна, Кејли, која сега стана мајка, вели дека не жали за тетоважата која ненадејно се појавила на нејзиното тело бидејќи ја потсетува на забавен одмор со пријателите.
Меѓутоа, таа неодамна размислува за Даниел Форд и е желна да го види повторно.
– Десет години подоцна, размислувам да се обидам да го најдам. Сепак, неговото име е на мојот задник – објасни таа.
Се обидела да го пронајде на социјалните мрежи, но не успеала. Таа не откри дали моментално е сингл, ниту дали можеби сака врска со извесен Даниел Форд.
– Би било убаво да стапиме во контакт за да видиме дали се сеќава на ова. Ако можам да го најдам, немам поим што да му кажам. Можеби ќе му ги вратам парите што ја плати тетоважата. Кој знае – се насмеа Кејли.