Германскиот канцелар Олаф Шолц предупреди дека сугестиите за сегашното ембарго на руските енергетски извори треба да се отфрлат, бидејќи влијанието врз Европа ќе биде поразително.
Тој рече дека Германија е во процес на осамостојување од руските енергетски извори, но „дека со тоа од денес до утре ќе ја турне неговата земја и цела Европа во рецесија“.
Зеленски ја повика Јапонија да го зголеми притисокот врз Русија
Тој предупреди дека „цели индустрии ќе бидат на работ на колапс“ и дека постоечките антируски санкции веќе силно ги погодуваат германските граѓани, пренесува Би-би-си.
Обраќајќи им се на германските политичари, Шолц исто така рече дека санкциите не треба да влијаат повеќе на европските земји отколку на руското раководство.
Зеленски ја повика Јапонија да го зголеми притисокот врз Русија
САД и многу европски земји вршат притисок да престанат целосно да се потпираат на руската енергија.
И Вашингтон и Брисел најавуваат нови санкции против Русија, поради нејзината инвазија на Украина. За тоа утре ќе се разговара на состанокот на лидерите на НАТО и Г7 во Брисел, каде преку видео врска ќе се обрати и претседателот на Украина, Володимир Зеленски.