Жално е што германската армија е недоволно опремена, а само околу половина од големите парчиња оружје се подготвени за употреба во воени операции, изјави Ева Хегл, комесар за армијата во германскиот парламент.
Ева Хегл изјави дека тоа е целосно неприфатливо.
„Во итни случаи, нашите војници ги ризикуваат своите животи во акција. За возврат, тие имаат право на најдобрата можна и сеопфатна опрема“, нагласи Хеглова.
Минатиот месец Германија објави дека нагло ќе ги зголеми трошоците за одбрана на повеќе од два отсто од БДП.
Бундесверот преку посебен фонд ќе добие сто милијарди евра за инвестиции и проекти за оружје.
Парите ќе бидат обезбедени во федералниот буџет за оваа година, најави канцеларот Олаф Шолц (СПД) на специјалната седница на Бундестагот за војната во Украина.
Шолц вети дека Германија „отсега па натаму, од година во година, ќе инвестира повеќе од два отсто од својот бруто домашен производ за одбрана“. Тоа е и обврска на секоја членка на НАТО која Германија досега не ја исполнила, поради што со години се соочува со протести од Вашингтон.
Со оглед на пресвртницата предизвикана од рускиот напад врз Украина, на Бундестагот му се потребни „нови, силни способности“, рече Шолц.
„Мерката мора да биде да се направи се што е потребно за да се обезбеди мир во Европа. Едно е јасно: мора да инвестираме многу повеќе во безбедноста на нашата земја за да ја заштитиме нашата слобода и нашата демократија“, рече Шолц.
Со актуелното планирано вооружување, германската влада се потпира на соработка со сојузниците во ЕУ и НАТО. Шолц рече дека е важно Европа да биде во чекор со технологијата и да ја изгради следната генерација борбени авиони и тенкови заедно со европските партнери – особено Франција.
„Овие проекти имаат најголем приоритет за нас“, нагласи канцеларката.