Лидерите на Полска, Чешка и Словенија денеска патуваат за Киев

On:
Сподели со своите пријатели

Лидерите на Полска, Чешка и Словенија во вторник ќе отпатуваат за Киев во мисијата на Европската унија за да покажат поддршка за Украина додека продолжува руската инвазија.

Премиерот на Чешката Република Петр Фиала во твит напиша: „Целта на посетата е да се изрази недвосмислената поддршка на Европската унија за Украина и нејзината слобода и независност.

 

Како би можела да заврши војната: Советникот на Зеленски објави неколку сценарија

 

Нему ќе му се придружат словенечкиот премиер Јанез Јанша, полскиот премиер Матеуш Моравјекчи и Јарослав Качински, кој е вицепремиер за безбедност на Полска, но и лидер на конзервативната владејачка партија, објави Ројтерс.

Тие во Киев ќе се сретнат со украинскиот претседател Владимир Зеленски.

Посетата ја потврди и полската влада, која соопшти дека целта на патувањето е да се потврди „недвосмислената поддршка на целата ЕУ за суверенитетот на Украина“.

 

Авионот на Абрамович слетал во Москва

 

„Целта на оваа посета е да се претстави широк пакет поддршка за Украина и Украинците“, се наведува во соопштението.