Си-Ен-Ен пишува дека видео снимките од Доњецк покажуваат загинати на градските улици како и голем број повредени.
Додаваат дека од проектилот се гледаат траги, но не се знае кој го испукал и од каде дошле.
Украинците го гаѓаа центарот на Доњецк, најмалку 20 загинати (ФОТО+ВИДЕО)
– Во овој момент можеме да зборуваме за најголем број цивилни жртви како резултат на еден напад. Загинаа околу 20 луѓе, но тоа не е конечната бројка – изјави Денис Пушилин, лидерот на т.н. Народна Република Доњецк за руската телевизија. Тој го нарече воено злосторство.
Штабот за територијална одбрана, т.н НРД ја обвини украинската армија за лансирање ракети.
– Украинските вооружени сили уште еднаш го искористија тактичкиот ракетен систем во станбените области на Доњецк, со цел да предизвикаат геноцид и да ја уништат важната цивилна инфраструктура во главниот град на Републиката – рече Пушилин.
Во интервју за друга руска телевизија, тој рече дека руските сили успеале да го погодат овој тактички проектил, но дека сепак направил голема штета.
Си-Ен-Ен пишува дека за коментар се обратил до украинскиот министер за одбрана.