Софтверот во паметната пумпа за гуми обезбедува оптимален притисок во гумите и е способен да го препознае типот на автомобилот и фабрички препорачаната вредност за надувување на гумите.
Во Холандија се повеќе општини одвојуваат пари за поставување на таканаречените паметни пумпи за гуми. Тие точно знаат колкав е оптималниот притисок во гумите на одреден автомобил и благодарение на тоа се намалува потрошувачката на гориво.
Според истражувањето, околу 60 отсто од холандските возачи возат со премеки гуми. Ова е делумно затоа што тие не знаат точно колкав е оптималниот притисок во гумите за нивниот автомобил.
Меките гуми значат поголем отпор на тркалање. Со поголем отпор, моторот мора да испорача поголема моќност за да ја постигне истата брзина, што резултира со непотребна дополнителна потрошувачка на гориво.
Премалиот притисок во гумите, исто така, доведува до дополнителни емисии на CO2. Дури и да возите електрично возило, затоа што тогаш трошите повеќе време и енергија на полнење на батеријата, а знаеме дека струјата не секогаш доаѓа од обновливи извори.
Оптималниот притисок во гумите обично им заштедува на возачите околу 100 евра годишно. Поради наглото поскапување на горивата, таа веројатно сега е уште повисока.
Затоа се повеќе провинции и општини во Холандија одвојуваат пари за поставување паметна пумпа за гуми. Целта на провинцијата Гелдерланд, на пример, е да инсталира барем една пумпа во секоја општина. Затоа провинцијата заедно со Band op Spanning плаќа дел од трошоците.
Тоа значи дека со општински придонес од само 2.500 евра може да се постави паметна пумпа за гуми, а возачите да ја користат пумпата бесплатно пет години.
Паметната пумпа за гуми е развиена од Band op Spanning. Оваа пумпа работи целосно на сончева енергија од сопствениот соларен панел.
Софтверот во паметната пумпа за гуми обезбедува оптимален притисок во гумите и може да го препознае типот на автомобилот и фабрички препорачаната вредност за надувување на гумите.
За пет години, корисниците можат бесплатно да пумпаат автомобилски гуми на овие места до правилен притисок, сето тоа преку едноставна контролна табла на уредот, па дури и врз основа на регистарската табличка на возилото.