Пандемијата на Ковид-19 не е завршена и дистрибуцијата на вакцини останува „скандалозно нееднаква“, рече генералниот секретар на ОН Антгонио Гутереш во изјавата по повод двегодишнината од нејзиното основање.
„Најтрагичниот биланс на пандемијата се однесува на здравјето и животите на милиони луѓе, со повеќе од 446 милиони случаи ширум светот, повеќе од шест милиони мртви и безброј луѓе се соочуваат со влошување на менталното здравје“, рече Гутереш.
Тој рече дека благодарение на невидените мерки за јавно здравје и исклучително брзиот развој и примена на вакцините, многу области во светот успеале да ја надминат пандемијата.
„Но, би било сериозна грешка да се мисли дека таа завршила“, предупреди тој.
Гутереш истакна дека „распределбата на вакцините останува скандалозно нееднаква“ и рече дека светот не може да си дозволи да се опорави по ковид-19 на две нивоа.
Месечно се произведуваат 1,5 милиони дози вакцина, но речиси три милијарди луѓе се уште ја чекаат својата прва вакцина, рече шефот на ОН за „неуспехот“ поради политичките и буџетските одлуки кои му даваат „приоритет на здравјето на богатите земји пред здравјето на сиромашните земји“.
Тоа е рецепт за развој на нови видови, за да има повеќе затворања и потешкотии и жртви во секоја земја, оцени Гутереш и оцени дека ова „тажно поглавје во историјата на човештвото“ треба да се заврши „еднаш засекогаш“.