Владата на Венецуела и делегацијата на американската администрација се договорија за време на состанокот во Каракас да продолжат разговорите за прашања од заеднички интерес, изјави венецуелскиот претседател Николас Мадуро.
„Се договоривме да продолжиме да разговараме за прашања од заеднички интерес. Средбата траеше речиси два часа и беше срдечна и со почит“, изјави Мадуро на националната телевизија, пренесува ТАСС.
Украински медиуми: Русите убиваат доброволци кои им помагаат на гладните животни
Портпаролката на Белата куќа Џен Псаки претходно потврди дека американската делегација отпатувала во Каракас на разговори, меѓу другото, за енергетската безбедност и ситуацијата со американските граѓани кои се притворени и ја отслужуваат казната во Венецуела.
Делегација од Вашингтон во понеделникот извести дека делегација на високи американски функционери заминува за Венецуела за да разговара со владата на претседателот Мадуро за можноста за ублажување на санкциите за извозот на венецуелска нафта, во време кога администрацијата на Бајден размислува за забрана на руската нафта и увоз на гас, велат извори запознаени со состојбите.
Мајката на момчето кое само ја напушти Украина: Тоа беше очаен чин, немав избор
Според весникот, ова е највисоко ниво на контакт меѓу двете земји во последните неколку години, што доаѓа во време кога САД се обидуваат да ја изолираат Русија поради воената операција во Украина.
Посетата на американската делегација беше реализирана само неколку дена откако Мадуро и рускиот претседател Владимир Путин телефонски разговараа за зајакнување на партнерството меѓу нивните земји.