Министерот за надворешни работи на ЕУ, Џосеп Борељ, вели дека на границите на Европа се случува неоправдана војна, која одзема големи човечки животи со оружје забрането со Женевската конвенција и повика на мисија да процени дали некои од нападите на Русија во Украина би можеле да се третираат како воени злосторства.
„Не можеме да дозволиме моќта да дели правда. Ова е критичен момент во историјата на Европа“, рече Борељ.
Доаѓајќи на состанокот на министрите за надворешни работи на НАТО, Џосеп Борељ потсети дека ЕУ воведе политички, економски и финансиски санкции против Русија, кои според него се без преседан и ќе нанесат голема економска штета на Русија и најави дека „сите опции се на маса“ кога станува збор за новите санкции на ЕУ против Москва.
„Истовремено, го поддржуваме правото на Украина да се брани и се восхитуваме на храброста на украинската армија, народ и влада“, рече Борел.
Тој заклучува дека е важно да се задржи единството на членките на ЕУ за санкциите против Русија, како и за набавката на оружје за Украина, што е првпат во историјата ЕУ да вооружува трета земја во воен конфликт.