ТикТок повторно ја зголемува максималната должина на видеата што може да се прикачат на платформата, овој пат од три на 10 минути.
„Возбудени сме што можеме да овозможиме прикачување видеа до 10 минути, што треба да обезбеди уште покреативни можности за нашите создавачи на содржини ширум светот“, изјави претставник на ТикТок за Engadget.
Популарната услуга тестираше подолг временски рок во последните месеци. Во јули минатата година, ТикТок ја зголеми максималната должина на видеото од 60 секунди на три минути.
Зголеменото временско ограничување, кога станува збор за должината на видеото, може да го направи ТикТок поголем ривал на Јутуб. Од друга страна, Јутуб има своја конкурентна функција, наречена Shorts.
Потегот на ТикТок би можел да биде корисен за креаторите кои се фокусираат на упатства и други видови содржини кои работат подобро во подолги видео форми. Ова исто така ќе им помогне на корисниците да поделат подолги содржини на помали видеа.