Градските власти во Киев ги повикаа граѓаните да не ги напуштаат своите домови освен ако тоа е апсолутно неопходно.
Борбите продолжуваат практично во сите делови на градот, соопштија властите во соопштението споделено во апликацијата за пораки Телеграм. Борбите се водат претежно во предградијата на градот, особено на северот.
На луѓето им беше препорачано да ги напуштат своите домови само за да се снабдат со храна или лекови.
Во неделата вечерта во Киев беше релативно мирно, иако имаше тепачки со диверзантско-извидувачки групи.
Градот беше претежно зафатен со подготовките за одбраната, се вели во соопштението.
Продавниците и јавниот превоз се отворени наутро, а возовите на метрото сообраќаат поретко од вообичаеното.
Полицискиот час останува во сила помеѓу 22 и 7 часот наутро. Властите, исто така, ја повикаа јавноста да се грижи за соседите, особено за постарите и за оние чии членови на семејствата ја бранат земјата.
Тие, исто така, побараа од јавноста да внимава на домовите на оние кои го напуштиле градот за да се спречи грабежот.