Само неколку минути откако украинското Министерство за внатрешни работи објави дека руските сили влегле во регионот на Киев, новинарите и граѓаните во моментов во Киев пријавија бројни напади на руската армија, која сега е на само 15 километри од главниот град на Украина.
„Руската армија ја проби државната граница во регионот на Киев. Непријателите влегоа преку преминот Вилц, а нашите граничари заедно со војската се подготвени за борба“, соопшти Министерството за внатрешни работи на Украина.
Дописникот на Си-Ен-Ен од Киев објави видео на Твитер, на кое, наводно, се гледа голема операција на воздушен напад со хеликоптери Ми-8 на меѓународниот аеродром Антонов.
Според Милер, станува збор за територија која е оддалечена само 15 километри од Киев.
Confirmed by Ukrainian authorities. A large air assault operation with Mi-8 helicopters on Antonov International Airport in Hostomel. Interior Ministry says Russia has seized control. Very dangerous; it’s just 15 minutes west of the capital ring road. pic.twitter.com/JhlyVktVRC
— Christopher Miller (@ChristopherJM) February 24, 2022
На социјалните мрежи е објавено уште едно видео на кое, како што навел авторот, се гледа како 20-30 руски авиони го бомбардираат претходно споменатиот аеродром.
Ukrainian authorities say they shot down a Russian helicopter outside Kyiv. @nexta_tv claims this is a video of the incident https://t.co/xTESRNokPV pic.twitter.com/UhnFuQ2270
— Alec Luhn (@ASLuhn) February 24, 2022
Рускиот претседател Владимир Путин се обрати во раните утрински часови и најави почеток на „специјална воена операција“ чија цел е „демилитаризација на Украина“.
Западните лидери го осудија чинот и најавија дополнителни санкции против Русија, додека во Украина беше прогласена вонредна состојба и општа мобилизација на населението.