Осуда за воените дејствија што Русија ги презеде во Украина стигна од претедателот Стево Пендаровски.
– Изразувам силна осуда за воените дејствија кои Русија ги презема над Украина, што неизбежно ќе водат кон ненадоместлива загуба на човечки животи и материјална штета. Инвазијата на Украина од страна на Русија е напад на територијалниот интегритет и суверенитет на Украина, сериозна повреда на основните принципи на меѓународното право, удар врз демократскиот поредок и закана за стабилноста на Европа, пишува претседателот.
– Како НАТО членка, се приклучуваме кон повикот на Алијансата насочен кон Русија за прекин на воените дејствија на територијата на Украина.
Во име на граѓаните на Северна Македонија, изразувам солидарност со украинскиот народ во овие тешки времиња.
За денеска е свикана и седница на Советот за безбедност на која ќе се дискутира за руската агресија врз Украина.