Германскиот канцелар Олаф Шолц остро го осуди рускиот напад врз Украина, нарекувајќи го „ужасен ден за Украина и мрачен ден за Европа“.
Loading...
Канцеларот утринава изјави дека „рускиот напад врз Украина е јасно кршење на меѓународното право“ и дека „ништо не може да се оправда“.
Тој додаде дека „Германија силно го осудува овој непромислен чин на претседателот (на Русија) Владимир Путин“.
Во писмената изјава, Шолц изрази солидарност со Украина и нејзиниот народ. „Русија мора веднаш да ја прекине оваа воена акција“, рече тој, додавајќи дека Германија тесно ќе соработува со другите земји во Групата седум, НАТО и Европската унија.