Перу прогласи еколошка вонредна состојба откако објави дека 21 плажа на брегот на Пацификот се загадени од излевање на нафта во близина на рафинеријата на шпанската компанија Реписол, по големите бранови предизвикани од ерупцијата на подводниот вулкан во близина на островската држава Тонга.
Невообичаено високите бранови што властите ги припишуваат на ерупцијата на подводниот вулкан во близина на Тонга предизвикаа излевање на нафта на брегот на Тихиот Океан на Перу додека бродот истоварувач нафта во рафинеријата Ла Пампила во саботата.
Претседателот Педро Кастиљо синоќа изјави дека ќе се формира комитет кој ќе предложи како да се дејствува во кризата во согласност со националната политика за заштита на животната средина.
Премиерката Мирта Васкез рече дека Репсол ветил дека ќе објави план за чистење на излеаната нафта, вклучување на локалните рибари во расчистувањето на плажите и испорака на корпи со храна до погодените семејства.
Васкез рече дека Обединетите нации ќе испратат тим од експерти за да му помогнат на Перу да ја расчисти истурената нафта.
Сега е забрането да се оди на 21 загадена плажа поради здравствени причини.
Перуанските власти соопштија дека брод што пловел под италијанско знаме истурил 6.000 барели нафта во Пацификот во саботата пред рафинеријата Ла Пампила.
Во последните денови, еколошките активисти собраа мртви или покриени со нафта морски птици.
Репсол изјави дека перуанските власти не издале предупредување за цунами и дека бродот го истоварувал товарот за рафинеријата кога удриле брановите.
Две жени во Перу се удавија кога беа однесени од силни бранови настанати по ерупцијата во близина на Тонга.