Објавено е кои објави споделени на Инстаграм во 2021 година собрале најмногу лајкови, пишува „E! Online“.
На прво место е фотографијата на Кристијано Роналдо. Тој објави дека тој и неговата партнерка Џорџина Родригез очекуваат близнаци, а фотографијата од крајот на октомври собра повеќе од 32 милиони лајкови.
„Пресреќни сме што можеме да објавиме дека очекуваме близнаци. Нашите срца се полни со љубов, едвај чекаме да те запознаеме“, напиша познатиот фудбалер со објава на која Џорџина и тој држат фотографија од ултразвук.
Кристијано има 387 милиони следбеници, а на таа фотографија коментирале половина милион луѓе.
View this post on Instagram
Втората фотографија со најмногу лајкови е на профилот на пејачката Аријана Гранде.
Станува збор за фотографија од нејзината венчавка со Далтон Гомез. Таа сцена доби 26 милиони лајкови.
View this post on Instagram
На третото место е Кајли Џенер, која објави видео во кое ја информира јавноста дека е бремена. Тоа видео е прегледано 154 милиони пати и има 24 милиони лајкови.
Но, сепак никој не ја надмина фотографијата од јајцето која беше објавена на профилот „world_record_egg“ во јануари 2019 година.
Оваа фотографија моментално има 55 милиони лајкови.
View this post on Instagram