Маици, блузи, дуксери и џемпери со V-деколте се составен дел на многу гардероби денес. Но, ако досега не сте знаеле, овој крој не е создаден како моден хит, туку од многу практични причини.
Според онлајн продавницата за облека „The Adair Group“, V деколтето се појавило во дизајнот на облека дури во 1960 година, со цел да им даде подобра форма на маиците и џемперите, а наводно е одговорно за впечатокот на издолжено лице, што многумина веруваат дека е пожелна карактеристика.
Се вели дека овој крој им дава повеќе овален или аголен изглед дури и на оние со премногу тркалезно или квадратно лице, но има уште една причина зошто дизајнерите на облека брзо го усвоиле таков дизајн.
– Денес, V изразот е само прашање на стил, но кога Бенџамин Расел создал машка спортска маица во 1926 година, од практични причини ставик на неа V деколте, со зајакната ткаенина под вратот – објасни дизајнерот на компанијата Расел Атлетик.
Таа маичка, вели тој, била замислена како горен дел од фудбалски дрес, па врз неа било сошиено подебело парче ткаенина во форма на буквата V – за да ја впие потта.
– Дополнително, армираните шевови помогнале да се одржи обликот на маичката во пределот околу вратот – објасни тој, а по завршувањето на Втората светска војна дошло до бум во текстилната индустрија, па се јавува потреба од додавање боја на машката облека, доминираке белата и црната боја, но и да се модернизира нејзиниот дизајн.
Така се повеќе се користи V деколтето кое со годините од обична спортска маичка премина во џемпери, но и во дуксери со качулка.