Шест клиенти и околу 20 вработени во продавницата ИКЕА неочекувано ја поминале средата навечер во стоковна куќа во Данска, откако останале заглавени поради снежна бура.
Наместо да го пробијат невремето и снегот, клиентите и персоналот добиле можност накратко да живеат во една од најпопуларните продавници за мебел.
Тие можеле да изберат каде да поминуваат време и во кој кревет да спијат, пишува Дејли Мејл.
Denmark: Married couple spending the night at Ikea Aalborg during snowstormhttps://t.co/kttTH9qO09 pic.twitter.com/jq3WSL5Ygp
— Nordic News (@Nordic_News) December 2, 2021
„Спиевме во салоните на првиот кат каде што имаме кревети, душеци и софа кревет“, рече менаџерот на продавницата Питер Елмроуз.
Тој додаде дека ова е и можност за клиентите да пробаат кревет што можеби размислувале да го купат.
That’s one way to check out the beds@jensenracing #Ikea #Aalborg pic.twitter.com/MLrg0oAPUf
— marco barendswaard (@mar_B_ond) December 2, 2021
На оваа „пижама парти“ во ИКЕА се придружиле и вработените во блиската продавница за играчки. Целата компанија која поради временските услови заглавила во ИКЕА, вечерала таму, гледала телевизија, а менаџерот на продавницата наведува дека се поминало добро и дека се забавувале.
– Многу е подобро од спиење во автомобил. Беше убаво и топло и среќни сме што нѐ пуштија внатре. Ситуацијата ни беше смешна бидејќи веројатно никогаш повеќе нема да ја доживееме – изјави шефицата на продавницата за играчки Мишел Барет.
one of the big news stories in Aalborg last night was that 27 people were stranded in an IKEA overnight due to the blizzard pic.twitter.com/h7aXJAHPuV
— 𝕱𝕽𝕰𝖄𝕵𝕬 ディア 🔻 (@Freyjihad) December 2, 2021