Високиот претставник на ЕУ за надворешна политика и безбедност, Жозеп Борел, пред средбата на шефовите на дипломатијата на земјите членки изјави дека меѓу другото ќе разговара и за ситуацијата во Босна и Херцеговина.
Тенденции кои ја нарушуваат унитарноста на државата
– За време на седницата ќе разговараме и за состојбите на Западен Балкан, пред се во Босна и Херцеговина. Има тенденции кои го поткопуваат единството на оваа земја и го нарушуваат нејзиниот развој и патот кон Европската Унија. Ќе се разговара и за дијалогот меѓу Приштина и Белград, но и за овој регион воопшто. Ситуацијата на Западен Балкан не е добра, рече Борел.
Борел изјави дека на средбата ќе се разговара за ситуацијата во Белорусија и хуманитарната криза на границите на Полска, Литванија и Белорусија.
– Ќе го разгледаме целиот сет на проблеми, пред се во Белорусија. Разговарав со колеги од Белорусија, Литванија, Полска, но и со генералниот секретар на ОН. Ги споделивме нашите размислувања за тоа како се одвива ситуацијата на теренот. И кажав на Белорусија дека ситуацијата е неприфатлива и дека треба да размислиме како да го решиме проблемот, пред се да ги прекинеме летовите. Тоа е речиси готово, рече Борел.
Санкции кон Белорусија
Борел најави и нов пакет санкции против Белорусија.
– Санкциите се секогаш добри. Денеска ќе предложиме нов пакет санкции против Белорусија, против авиокомпаниите, како и против сите кои на кој било начин се вклучени во префрлање мигранти до нашите источни граници, рече Борел.
После тоа, тој ја коментираше ситуацијата на Западен Балкан и рече дека ситуацијата е особено загрижувачка во БиХ.