Градоначалникот на општина Куманово Максим Димитриевски, продолжува со реализација на проекти кои имаат за цел да ја унапредат општина Куманово и да го подобрат квалитетот на живот на сите кумановци.
Во тек е асфалтирање на ул.620 кон село Проевце, се асфалтираше улица 205 во населба Карпош.
Се асфалтира и се подобрува инфраструктурата во село Костурник и ул.207 во населба Карпош.
Село Романовце и Агино село добија по едно ново спортско игралиште со тартан подлога, а во тек е изградба на ново игралиште во ООУ „Крсте Мисирков“ и ООУ „Браќа Миладиновци“.
За сите основни училишта во Куманово набавени се 82 интерактивни (смарт) табли, помошно – технички помагала и опрема за спортски сали.
Во програмата за мандатот 2021/2025 година предвидени за имплементација се повеќе од 800 проекти од областа на инфраструктура, образование, гасификација, спорт, култура, локален економски развој, заштита на животната средина, транспарентна и одговорна општина итн.