Американскиот иноватор и мултимилијардер Илон Маск, основачот на Тесла, одговори на критиките од директорот на Светската програма за храна, Дејвид Бисли, дека мал дел од неговото богатство може да го реши проблемот со гладот во светот.
„Ако Светската програма за храна може да ми објасни како точно шест милијарди долари ќе го решат проблемот со гладот во светот, веднаш ќе ги продадам своите акции во Тесла“, напиша Маск на Твитер.
Бисли, директорот на агенцијата на ОН, претходно изјави дека два отсто од богатството на Маск може да го реши проблемот со гладот во светот.
Кога Илон Маск би донирал 2% од своето богатство во светот би немало гладни луѓе
„Шест милијарди долари би можеле да спречат 42 милиони луѓе да гладуваат“, рече Бисли.
Заедно со Маск, најбогатиот човек на светот, Бисли повика уште еден на листата, основачот на Амазон, Џеф Безос, да помогне во искоренувањето на гладот.
Според проценките на Блумберг, богатството на Маск е повеќе од 310 милијарди долари.