Долгометражниот филм „ТМ` во понеделник (20 септември 2021) ќе биде прикажан во НУЦК „Tрајко Прокопиев” – Куманово, со почеток во 19:30 часот.
„ТМ“ е снимен е според сценарио и режија на Ивица Димитријевиќ и Мартин Иванов, и е нивен втор долгометражен филм, по првиот „Копање“ од 2018 година.
Во главни улоги се Ивица Димитријевиќ и Наталија Теодосиева, а улоги толкуваат и Гораст Цветковски, Димитрија Доксевски, Александар Ѓоргиески, Драгана Костадиновска, Џано Куч, Срѓан Јаниќијевиќ, Александар Степанулески, Сашо Алексиевски, Марко Крстевски и Владица Младеновски.
Филмот трае 60 минути, а влезот ќе биде со донација на врата.
Влез и присуство во салата ќе биде согласно важечки здравствени протоколи за настани во затворено.
Организатор на проекцијата е Wire Entertainment (Ваер Ентертејнмент) од Куманово.
Интегрално соопштение