Кристофер Селман од Кент го лажирал сопственото киднапирање со цел да земе пари од пријатели и познаници.
Тој преку социјалните мрежи им испратил шокантни видеа и фотографии, кои покажуваат дека бил измачуван, и од нив барал пари за откуп.
На фотографиите што ги проследи до нив, може да се види со нож на грлото и пиштол на слепоочницата. Тој отиде чекор понатаму со видеото, на кое се гледа како неговата глава е потопена во вода додека се бори за здив.
Во оваа морбидна измама му помогнала неговата поранешна девојка Стефани, со која изработил план за „киднапирање“.
Нивните жртви на измама прво добија порака на социјалните мрежи од непознат број, во која има и фотографија на која се гледа главата на Кристофер со нож под вратот.
Во пораката, „непознатиот киднапер“ напишал дека го киднапирал Кристофер, и ќе го ослободат само ако ги уплатат парите на одредена банкарска сметка.
Плашејќи се за неговиот живот, неговите пријатели веднаш платиле дел од парите, сепак, тоа не му било доволно, па продолжил да бара повеќе пари.
Тој им испрати фотографии следните денови со пиштол во устата, барајќи од нив 1.000 фунти, или наводно ќе го убијат.
Додека оваа грозоморна практика продолжи и во наредните денови, неговите пријатели почнаа да одговараат дека немаат повеќе пари, но тој ги исплаши со тоа што им кажа каде живеат и дека некој ќе ги претепа ако не дадат повеќе пари.
Тие веднаш ја контактирале полицијата во Кент, а полицијата ги советувала да го сменат телефонскиот број. Сепак, Кристофер и Стефани имале решение и за оваа ситуација. Почнале да им испраќаат фотографии преку е -пошта и социјални медиуми.
Во согласност со постапката, полицијата ги анализирала граматичките грешки на Кристофер и грешките на наводните киднапери. Она што го откриле ги оставило сите во шок. Сфатиле дека се работи за истите пропусти, набрзо го пронашле и го уапсиле за уцена, пишува Метро.
Тој бил осуден на две години и четири месеци затвор, а неговата поранешна девојка Стефани на 18 месеци условна казна.
Неговите другари биле повредени поради начинот на кој Кристофер се обидел да ги измами, се вели во соопштението на полицискиот инспектор.
– Кога дојдоа кај нас, не се грижеа за парите. Ним им беше важно да го спасат. Моите мисли се со тие луѓе, ќе им треба време да се опорават од шокот – рече тој.
