Истражителите на ОН за човекови права побараа од севернокорејското раководство да разјасни дали на армијата и е наредено да ги ликвидира на лице место сите оние кои илегално влегуваат на нејзина територија, бидејќи ја прекршуваат забраната воведена поради пандемијата на коронаввирус.
Истражителите на ОН се повикуваат на извештајот на веб – страницата Дејли НК, кој ги следи настаните во Северна Кореја, на кој е објавена фотографија од тампон – зона широка околу два километри во 2020 година, и текст со предупредување дека секое лице ќе влезе на територијата на Северна Кореја без дозвола ќе биде „моментално ликвидирана“, пренесува Ројтерс.
Во текстот се наведува дека прекршителите од другите земји пронајдени на севернокорејската страна на реките Јулу и Тумен ќе бидат „цели без претходно предупредување“.
Ова се однесува на северните граници на Северна Кореја, кои во таа област се граничат претежно со Кина и во помала мерка со Русија.
Во писмото од 23 август, објавено на веб – страницата на Канцеларијата на Високиот комесар за човекови права на ОН, специјалните истражители на ОН изразија загриженост за наводната наредба и побараа од Северна Кореја да ги потврди извештаите дека според законот донесен минатиот декември, таа ги казнува со смрт дистрибуцијата на културна и еротска содржина од Јужна Кореја како сузбивање на „реакционерните идеи и култура“.
– Загрижени сме поради оваа казнена политика и пукање во оние што неовластено влегуваат во тампон – зоната долж северната граница, како и поради смртната казна, која се спроведува без судска постапка – се наведува, меѓу другото, во писмото на истражителите на ОН.
Од Северна Кореја се бара да даде информации за бројот на егзекуции извршени според анти-реакционерниот закон.
Северна Кореја никогаш јавно не призна егзекуции во непосредна близина за дисперзија на реакционерна содржина, и не е сигурно дали Пјонгјанг ќе одговори на писмото од инспекторите на ОН, кои најавија дека ќе дадат одговор доколку го добијат.
Американскиот генерал Роберт Абрамс, кој беше главен командант на американските војници во Јужна Кореја пред да се пензионира оваа година, на митинг минатиот септември рече дека Северна Кореја распоредила специјални сили долж границата со Кина за да спречи шверцери и потврди дека членовите на тие сили извршија убиства на лице место без предупредување.