Во Нигерија расте бројот на напади, масовни киднапирања и грабежи.
Вооружени напаѓачи ослободија ученици од муслиманско училиште, киднапирани пред три месеци од училиште во нигериската држава Нигер.
Во мај, околу 200 тешко вооружени мажи го зазедоа градот Тегина, Нигерија и киднапираа 136 ученици во приватното муслиманско училиште, Салиху Танко.
Во Нигерија, тоа се случува од декември преку масовни киднапирања во училишта и универзитети.
Директорот на училиштето рече дека шест ученици од Тегина загинале во заробеништво, а 15 успеале да избегаат во јуни.
„Сите ученици се ослободени. Ги враќаме дома”, рече директорот Абубакар Алхасан во телефонски разговор за АФП. „Не можам да ви ја дадам точната бројка. Тоа ќе го утврдиме кога ќе се вратат дома. Ниту еден од учениците повеќе не е притворен”, додаде тој.
Алхасан не даде детали за ослободувањето на учениците.
Во северозападниот и централниот дел на Нигерија, расте бројот на напади, масовни киднапирања и грабежи од криминални групи наречени бандити.
Оваа година, напаѓачите се насочени кон ученици и студенти за кои бараат откуп.
Околу илјада ученици и студенти се киднапирани од декември 2020 година, кога разбојниците почнаа да напаѓаат училишта.
Повеќето беа ослободени по преговорите, но стотици други беа затворени во кампови скриени во шумата.