Соединетите Американски Држави би можеле да го стават под контрола КОВИД-19 до почетокот на следната година, а во следните неколку недели ќе следат потенцијални посеопфатни одобрувања на вакцини, рече Ентони Фаучи, главен медицински советник во Белата куќа.
„Ако го добиеме огромното мнозинство од оние 80 до 90 милиони луѓе кои сѐ уште не се вакцинирани, кои се двоумеа да се вакцинираат или немаа можност, верувам дека можеме да ја видиме светлината на крајот од тунелот“, рече тој за Ен – Би – Си.
„Можеме да го свртиме ова“, рече Фаучи.
Само еден ден откако Администрацијата за храна и лекови на САД (ФДУ) издаде целосно одобрување за вакцините против Ковид-19 на Pfizer / BioNTech, Фаучи рече дека одобрувањето го отвора патот за повеќе луѓе да се вакцинираат, со потенцијално целосно одобрување на Модерна и Џонсон и Џонсон во наредните недели.
„Мислам дека постои разумна шанса Pfizer или Moderna да добијат одобрување од FDA за помали деца пред претстојната празнична сезона“, рече водечки американски епидемиолог.
„Ако успееме да ја поминеме оваа зима и да го освоиме мнозинството… од 90 милиони луѓе кои не се вакцинирани, се надевам дека ќе можеме да воспоставиме добра контрола во пролетта 2022 година“, рече Фаучи.