Поранешниот индонезиски министер Џулиари Батубара ќе оди во затвор 12 години поради скандал вреден милион долари, односно корупција поради набавка на пакетот социјална помош за „Ковид-19“, објави во понеделникот судот за корупција во Џакарта.
Батубара интервенирал на тендерот и зел 32,4 трилиони рупии, што е околу 2,25 милиони долари, пишува Ројтерс.
Судот го казни со 500 милиони рупии. Тој нареди враќање на 14,5 милијарди рупии во проневерените фоднови што ги користел за лични трошоци.
Батубари ќе има забрана за јавна функција четири години по издржувањето на затворската казна.
Тој го негираше злосторството.
Неговиот адвокат, Макдир Исмаил, во понеделникот ја опиша казната, која беше една година подолга отколку што бараа истражителите, како многу сурова и рече дека размислуваат дали да поднесат жалба.
Тој беше осомничен за измама од Индонезиската комисија за борба против измама, заедно со уште четири лица. Еден ден пред да се предаде министерот, пронајдени биле над еден милион долари во куфери.
Претседателот Џоко Видодо беше избран во 2014 година под заклетва за борба против измамата, а некои истакнати политичари беа затворени за корупција за време на неговата администрација, но постои загриженост дека перформансите на агенцијата за борба против измама се ослабени.