Американските здравствени власти објавија план за вакцинираните граѓани против „Ковид-19“ да добијат дополнителна доза поради поголема заштита од делта сојот на коронавирусот и доказите дека ефикасноста на вакцината слабее со текот на времето.
Рошел Валенски, директор на Центарот за контрола и превенција на болести (ЦДЦ), рече дека дополнителна доза треба да се даде осум месеци по втората доза на Фајзер или Модерна.
Дополнителната вакцинација може да започне веќе на 20 септември.
Здравствените власти рекоа дека на оние кои ја примиле вакцината Џonонсон и Џонсон, која се дава во една доза, најверојатно ќе им треба дополнителна, но одлуката ќе се донесе кога ќе бидат достапни повеќе податоци.
Имплементацијата на планот за дополнителна вакцинација зависи од проценката на Управата за храна и лекови (ФДА) за безбедноста и ефикасноста на третата доза, велат официјалните лица.
ФДА и Центрите за контрола и превенција на болести минатата недела препорачаа трета доза Фајзер или Модерна вакцина за лица со ослабен имунолошки систем.
Во соопштението се наведува дека е „многу јасно“ дека заштитата од вакцини против инфекции се намалува со текот на времето, како што се гледа сега, со многу заразен вид на делта што брзо се шири.
„Врз основа на нашата најнова проценка, тековната заштита од сериозни болести, хоспитализација и смрт може да се намали во наредните месеци“, по дополнителна доза на вакцината, велат тие.
Експертите од Светската здравствена организација остро се спротивставија на американскиот план, нагласувајќи дека сиромашните земји немаат доволно вакцини дури и за првата доза.
„Планираме да им дадеме дополнителни елеци за спасување на луѓето што веќе ги имаат, додека оставаме други луѓе да се удават бидејќи немаат елеци“, иронично рече директорот на СЗО за вонредни ситуации Мајкл Рајан.
Главниот научник на СЗО, Сума Сваминанатан, денеска изјави дека сегашните податоци не покажуваат дека се потребни дополнителни вакцини против коронавирусот.
Таа предупреди дека оставањето милијарди луѓе во невакцинирани земји може да предизвика појава на нови видови вирус и да резултира со „уште пострашни ситуации“.