Американското министерство за внатрешна безбедност (ДХС) предупреди дека претстојната 20 -годишнина од нападите на 11 септември, како и одредени верски празници, може да поттикнат напади од екстремисти.
Меѓутоа, DHS не наведе ништо за конкретните закани, но предупреди на зголемен ризик од напади, а причините што би можеле да ги поттикнат нападите се расната и етничката омраза и ограничувањата воведени поради пандемијата на коронарнавирусот, пренесува АП.
Министерството го испрати предупредувањето до јавноста, како и до локалните власти и федералните држави, и се базира на разузнавачки информации од други надлежни агенции.
Слично предупредување беше издадено во мај, а Министерството посочува дека домашниот екстремизам останува приоритетно прашање за американските служби.
DHS, исто така, посочи дека Ал Каеда на Арапскиот Полуостров, по четири години, повторно го објави списанието Инспирација, проценувајќи дека тоа очигледно е направено во пресрет на 20 -годишнината од нападите на 11 септември.