Постигнувањето колективен имунитет не е можно со оглед на сегашната варијанта на делта сојот на коронавирусот, рече професорот Ендрју Полард, шеф на тимот за развој на вакцини во Оксфорд, кој исто така верува дека трета доза на вакцината против ковид не е потребна во овој момент.
Тој рече дека фактот дека вакцините не го спречиле ширењето на Ковид, значи дека колективниот имунитет стана „мит“.
Како што објасни, јасно е дека делта сојот, исто така, може да ги инфицира вакцинираните луѓе, што го прави невозможно да се постигне колективен имунитет дури и со висока покриеност за вакцинација, пренесува Гардијан.
– Проблемот е што овој вирус не се сипаници. Ако 95% од луѓето се вакцинирани против големи сипаници, вирусот не може да се шири кај населението – рече тој пред парламентарната комисија.
Според него, третата доза на вакцината не е потребна во овој момент, а вишокот треба да се донира во други земји.
Тој е на мислење дека одлуката за вакцинација со трета доза треба да се базира на научни истражувања, нагласувајќи дека досега нема докази за зголемување на тешките форми на болест и смрт кај лица кои примиле две дози од вакцината.