Властите во Канбера денеска објавија дека ќе понудат компензација во износ од вкупно 82.000 австралиски долари (51.000 евра) на членовите на домородното население, кои биле присилно земени од нивните семејства како деца и предадени на нови бели семејства.
Поради зголемените критики и практиката на Абориџините да бараат надомест на суд, властите одлучија дека секој што е жртва на таа практика ќе добие 75.000 австралиски долари за штетата што им е нанесена со присилно отстранување без согласност од нивните биолошки родители и дополнителни 7.000 долари поради емоционална траума, јавува Ројтерс.
Повеќе од 100.000 домородни деца Абориџини биле земени од нивните семејства и заедници помеѓу раните 1900-ти и околу 1970 година, што поранешниот премиер Кевин Рад во 2008 година ги опиша како „голема дамка на душата на нацијата“ за време на формалното извинување на т.н. украдена генерација“.
A 1939 study on the skulls, teeth and craniofacial structure of Indigenous Australians found some unsurprising results.
— Hippocrates Health Foods (@HippocratesHea1) August 2, 2021
„Ова е долгоочекуван чекор, признавање на врската помеѓу заздравувањето на раните, достоинството и здравјето и благосостојбата на членовите на украдените генерации, нивните семејства и заедници“, рече премиерот Скот Морисон денеска во парламентот.
Планот за надомест се однесува на сите живи Абориџини кои биле разделени од своите семејства кога биле на возраст под 18 години и живееле во австралиската престолнина и Северна Територија, а повеќето други австралиски држави го спроведуваат својот автохтомен план за компензација.
Домородните заедници го поздравија потегот на владата, но веруваат дека останува уште многу да се направи, особено во економската и образовната област.
Во Австралија, со 26 милиони жители, живеат околу 700.000 Абориџини, кои, според официјалните истражувања, заостануваат во речиси секој економски и социјален показател.
https://youtu.be/bpAS5f4TjNw