Катар ќе продолжи со издавање на семејни и туристички визи почнувајќи од 12 јули, во согласност со новата политика за патување и враќање и врз основа на препораките на Министерството за здравство според ковид-19, објави катарското Министерство за внатрешни работи на Твитер.
Министерството за здравство објави дека новата политика за влез во земјата вклучува обезбедување на PCR-тест за ковид-19 и класификација на земјите во три категории, врз основа на кои ќе се утврди карантинската политика, објави Ројтерс.
Влезот за семејни посети, деловни луѓе и туристи, вклучително и државјани на земјите од ГЦ кои немаат катарски лични карти, ќе биде ограничен на вакцинираните и оние кои го прележале коронавирусот.
Секој што сака да патува во странство ќе има потреба и од дозвола за патување, а невакцинираните патници до дестинациите кои не се наведени како „зелени“ ќе треба да резервираат институционален карантин пред да заминат од Катар, додаде Министерството за здравство.
Патниците кои транзитираат низ Катар, исто така, ќе треба да обезбедат PCR-тест, додека целосно вакцинираните патници ќе треба да направат аналоген тест по пристигнувањето за да утврдат дали треба да бидат ставени во карантин.