Осомничените за атентатот врз претседателот на Хаити, Жовенела Моиза, биле опколени, изјави специјалниот пратеник на Обединетите нации.
Жовенел Моиз, 53-годишниот претседател на Хаити, беше убиен во средата во напад врз неговата приватна резиденција, а неговата сопруга беше ранета и пренесена во болница во Флорида. Таа е во критична состојба, објавија локалните медиуми.
„Четворица платеници беа убиени, а двајца беа пресретнати и сега се во наши раце“, рече Чарлс, пренесуваат локалните медиуми.
Тој додаде дека тројца полицајци кои претходно биле заложници од напаѓачите биле ослободени.
– Ги блокиравме [осомничените] на патот кога го напуштија местото на злосторството. Оттогаш се бориме со нив – додаде началникот на полицијата.
Вршителот на должноста премиер Клод Џозеф, кој ја презеде контролата над карипската држава по атентатот врз претседателот, ги повика луѓето да останат смирени и прогласи вонредна состојба низ целата земја.
Обраќајќи се на нацијата, Џозеф вети дека убијците ќе бидат изведени пред лицето на правдата и додаде дека безбедносната состојба е „под контрола“.