Напад на беспилотно летало насочено кон американска воена база бил извршен во вторникот на аеродромот во Ербил во северен Ирак, соопштија курдските безбедносни сили.
Сирените се огласиле во американскиот конзулат и во ирачки Курдистан, а летовите биле прекинати по нападот, пренесува Ројтерс.
Во соопштението на Пентагон се вели дека експлозиите што биле предизвикани за време на нападот со беспилотни летала не предизвикале структурни штети, како и дека никој да не е повреден или убиен.
Нападот се случи само еден ден по ракетниот напад врз воздушната база Аин ал-Асад, каде што се стационирани американските сили и американската амбасада во Багдад.
Во април беа извршени и напади врз базата Ербил со дронови со експлозив, а чести се и ракетните напади врз американските воени станици во Ирак и американската амбасада во Багдад.
За овие напади американската администрација ги обвинува шиитските проирански фракции кои дејствуваат во Ирак.