Светските здравствени експерти стравуваат дека ламбда, новиот сој коронавирус што е регистриран во скоро 30 земји во светот, може да биде отпорен на вакцини, пишува Sky news.
Варијантата ламбда, позната како Ц.37, која е откриена во Перу, е одговорна за повеќе од 80 проценти од инфекциите со коронавирусот во оваа земја.
Експертите од Универзитетот во Чиле го проучувале влијанието на овој вид коронавирус врз луѓето кои примиле две дози од вакцината КоронаВак. Студијата сè уште не е овластена.
Позаразна варијанта
Резултатите сугерираат дека ламбда е позаразна од алфа и гама соевите и е по можност да ги заобиколи антителата кои ги произведуваат вакцините.
– Забележавме зголемена инфективност кај протеините на ламбда сојот, повисока од оние присутни во алфа и гама соеви – се наведува во студијата.
– Нашите први податоци покажуваат дека мутациите присутни во спајк протеинот во ламбда соевите даваат зголемена инфективност и можат да избегаат од антитела предизвикани од инактивираната вакцина КоронаВак.
Џеф Барет, научник од Велика Британија, вели дека варијантата ламбда има прилично необичен сет на мутации.
Ламбда има уникатна шема од седум мутации што ги користи вирусот за да зарази човечки клетки, според Фајненшл тајмс.
Она што звучи охрабрувачки, се резултатите од претходните испитувања на новиот вид на коронавирус, кои покажуваат дека тој не е поагресивен од претходните соеви.
– Засега, нема докази дека соевиот ламбда е поагресивен од другите варијанти на вирусот САРС-КоВ-2 – вели Мендез Рико.
– Можно е таа да има поголема стапка на инфекција, но тоа треба да се испита.
Да потсетиме, СЗО го класифицираше ламбда сојот во категоријата „под опсервација“, бидејќи доведува до честа инфекција и се појавува истовремено во неколку земји.
Најчестите симптоми позитивни на ламбда сојот на коронавирусот се треска, главоболка и воспалено грло, а некои исто така губење на чувството за мирис и вкус, симптоми кои беа карактеристични за алфа сојот.
Од друга страна, Хаиро Мендез Рико, експерт за вирусни заболувања при Светската здравствена организација (СЗО), потсетува дека вакцината е ефикасен лек против мутирани соеви.
– Сите одобрени вакцини се генерално ефикасни против сите варијанти на корона кои се во оптек низ целиот свет. Нема причина да претпоставуваме дека тоа не е случај со соевите ламбда – истакна Мендез Рико.
Се шири побрзо од другите соеви, но не е поагресивна верзија
Молекуларниот биолог Пабло Цукајама вели дека сојот на ламбдата се шири побрзо од другите.
– Имавме 200 лица кои беа заразени со вирусот ламбда во декември, а до крајот на март половина од заразените со коронавирусот во Лима беа заразени со него – вели Цукајама.
– Денес, три месеци подоцна, ламбда сојот е присутен кај 80 проценти од заразените низ целата земја. Видот Ламбда стана доминантен во Перу за многу кратко време.