Познатата принцеза Дијана почина на 31 август 1997 година. Теориите на заговор не престануваат од тој ден, а нејзината смрт останува мистерија до ден-денес.
Неколку години по смртта на принцезата, околностите под кои се случила сообраќајната несреќа сè уште се сомнителни. Имаше полемики и шпекулации за тоа, а луѓето сè уште беа тажни поради загубата на нивната сакана принцеза.
Таа беше симболична личност, жена која многу помагаше и ја споделуваше својата емпатија со другите, па затоа во еден момент важеше за најомилена жена на светот.
Британската полиција одлучила да започне истрага, а првоосомничен бил нејзиниот поранешен сопруг, принцот Чарлс.
Двајцата се разведоа по неговата прељуба, поради што Дијана се обидела да се самоубие вторпат.
„Имаше толку многу болка во мене што сакав да се повредам“, рече Лејди Ди за време на едно интервју.
Тогашниот шеф на Скотланд јард, Џон Стивенс, изјави дека истрагата е покрената со писмо напишано од принцезата во 1995 година, две години пред нејзината смрт. И десет години по смртта на Дијана, полицијата го испрашала принцот во рамките на операцијата „Пагет“.
Една реченица ги фрлила сите сомнежи во Чарлс.
– Мојот сопруг планира „несреќа“ со мојот автомобил, откажување на сопирачката и сериозна повреда на главата – напишала Дијана во писмото.
Се верува дека принцезата помислила дека нејзиниот поранешен сопруг сака таа да исчезне за да може да се ожени со дадилката на нивните синови Вилијам и Хари. Кога писмото стигнало до јавноста и медиумите, полицијата го испрашала Чарлс поради можната поврзаност со смртта на принцезата Дајана.
– Да, беа изнесени обвинувања за принцот од Велс и другите членови на кралското семејство, но моравме да ги пронајдеме или истражиме постоечките докази пред да му се обратиме со официјални прашања – рече детективот Стивенс.
Тој додаде дека не нашле други докази што го потврдуваат сценариото наведено во писмото на Дијана.
„Сè што ни останува е писмо, кое само по себе не беше доволно за Чарлс да биде осомничен“, додал детективот за „Дејли меил“.
Стивенс изјавил дека за време на информативниот разговор го прашал принцот Чарлс што можело да ја наведе Дајана да напише таква порака.
– Не знаев ништо за пораката сè додека не беше објавена во медиумите – наводно принцот Чарлс се бранел со овие зборови.
Потоа го прашале дали знае дека Дијана се чувствува така и тој само одговори негативно.
Најновите истражувања покажаа дека возачот Хенри Пол и момчето на Дијана, Доди Фајед, биле убиени на самото место, но дека Дијана била сè уште жива и свесна кога стигнала помошта.
„О Боже, што се случи? веројатно биле последните зборови што ги изговорила принцезата, како што потврди пожарникарот кој бил на местото на несреќата и додека се држеле за рака, тој јасно можел да разбере што изговорила принцезата додека сè уште била при свест.
Интересно е што тој во тие моменти не знаел дека тоа е Дијана.
– Видов дека е убава жена и дека нема сериозни повреди на лицето. Тогаш не крвареше, но беше скоро несвесна и тешко дишеше. Таа изгледаше добро првите неколку минути. Затоа, започнав да разговарам со неа на англиски јазик, велејќи дека сум доктор, со цел да ја утешам и дека брзата помош е на пат и дека сè ќе биде добро – рече тој.
Нешто подоцна, беше потврдена веста дека принцезата Дајана починала во болница како резултат на повредите што ги претрпела за време на несреќата.
Улиците во Лондон беа преплавени со цвеќиња и пораки за принцезата која благодарение на својата хуманитарна работа и помошта што несебично ја даде, го доби епитетот народна принцеза.