Баба од Велика Британија останала во целосен шок кога кучето, чие исчезнување го пријавила, било пронајдено во нејзината куќа.
Дамата (93) повикала полиција кога нејзиното куче Тоби не се појавило некое време. Полицијата отишла во нејзиниот дом во Дербишир да провери во каква состојба е бабата и да се обиде да открие што се случило со кучето.
Додека полицаецот ја испрашувал бабата кога и каде последен пат го видела Тоби, нешто паднало на подот, а кога се наведнале да го земат предметот од подот, забележале муцка и две очи под фотелјата.
Се испостави дека кучето ползело под обемна фотелја и заглавило таму. Полицаецот веднаш ја тргнал фотелјата и извлекол куче кое било многу жедно и гладно.
– И Тоби и газдарицата биле пресреќни што повторно биле заедно. На старицата и било видливо полесно кога видела дека кучето е добро – рече Томи Вуд, полицаецот кој интервенирал.
Тој вели дека членовите на семејството, соседите и пријателите на крајот го барале изгубениот Тоби и дека стравувале дека на кучето му се случило најлошото.
