Времето денеска во Македонија претпладне ќе биде сончево со мала до умерена облачност, информираат од Управата за хидрометеоролошки работи.
Попладне ќе има појава на локална нестабилност со краткотраен дожд и ретки грмежи.
Максималните температури ширум земјата ќе се движат во интервал од 21 до 33 степени целзиусови.
Во Куманово и околината денеска ќе имаме променливо облачно време со сончеви периоди. Попладне се можни услови за врнежи од дожд проследени со електрични празнења.
Ќе дува слаб ветер од северен правец, а температурата ќе се движи од 12 степени во утринските часови до максимални 28 во текот на денот.
И утре во претпладневните часови времето ќе биде сончево со мала до умерена облачност, а попладне ќе има појава на локална нестабилност со краткотраен дожд и ретки грмежи.
Во сабота се очекува на повеќе места да биде нестабилно со пороен дожд, грмежи и засилен ветер.
Температурите ќе бидат во постепен пораст.
Никола Ивановски