Пред неколку дена, на интернет се појави видео од наводно „НЛО“ кое се појавило во близина на брегот на Калифорнија. Видеото покажува како „НЛО“ се спушта во океанот, властите велат дека е автентично и дека потекнува од американската морнарица, веста ја потврди и американското Министерство за одбрана.
Пентагон изјави дека снимките од предметот се снимени од еден од воените бродови на американската морнарица и дека истрагата е во тек. Видеото е објавено од познатиот американски филмски уметник Џереми Корбел.
На снимката од инфрацрвената камера се гледа како објектот лебди над океанот пред да падне во вода. Набргу откако видеото започна да кружи на социјалните мрежи, Пентагон ја потврдиле неговата автентичност.
„Можам да потврдам дека видеото е снимено од припадник на морнарицата и дека истрагата за случајот е во тек“, рече Сузан Гоф, портпарол на морнарицата.
The US Navy photographed & filmed “spherical” shaped UFOs & advanced transmedium vehicles; here is some of that footage. Filmed in the Combat Information Center of the USS Omaha / July 15th 2019 / warning area off San Diego @ 11pm PST. No wreckage found. No craft were recovered. pic.twitter.com/tK1YTG8sJ7
— Jeremy Corbell (@JeremyCorbell) May 14, 2021
Случајот го истражува специјална група за неидентификувани воздушни феномени (УАПТФ) формирана како дел од разузнавачките структури на Пентагон. На снимката се слушаат и гласови на морнари, кои се многу изненадени од она што го гледаат, а едниот од нив му вели на другиот да го забележи местото каде што предметот паднал во океанот.
Џереми Корбел, кој освен уметност, снима и документарни филмови за НЛО, тврди дека видеото е снимено во близина на Сан Диего во 2019 година. Како што вели, снимката е направена во командниот центар на воениот брод „Омаха“.
Тој ги објавил и наводните записници од воениот состанок за тоа прашање, кои покажуваат дека обидите да се најдат остатоците од предметот во водата по падот, биле неуспешни, пренесува РТ.
Пентагон претходно соопшти дека ја откажал програмата за следење на НЛО, но минатата година, во извештајот до Сенатот, беше објавено дека работата ја продолжува друго тело, УАПТФ. Сенатот му наредил на тоа тело да ги објави своите извештаи за НЛО до јуни.
The US Navy photographed and filmed “pyramid” shaped UFOs and “spherical” advanced transmedium vehicles; here is that footage.
Please visit my Instagram and https://t.co/5JMYxoo9sI to read all the details that I can share at this time. pic.twitter.com/58CXZ1ljAF
— Jeremy Corbell (@JeremyCorbell) April 8, 2021