Откако морала да откаже голема свадба поради пандемијата, Сара Студли од Балтимор ја облекла својата венчаница додека била вакцинирана против КОВИД-19.
Таа рекла дека тоа претставува надеж.
Сара Студли и нејзиниот сопруг се свршиле во 2019 година, а минатата година планирале да направат свадба за околу 100 луѓе.
Сепак, поради влошената пандемија, тие морале да ја откажат големата прослава и направиле мала прослава за осум лица.
Here comes the bride…to get her vaccination at M&T Bank Stadium Mass Vaccination Site! Rather than let the beautiful gown for her pandemic-cancelled wedding reception just hang in her closet, Sarah Studley wore it to get vaccinated. pic.twitter.com/eeRJvITO51
— University of Maryland Medical System (@umms) April 12, 2021
Студли отишла на вакцинација минатата недела и таа одлука решила да ја одбележи на посебен начин. Таа ја носела својата венчаница.
„Наместо прекрасниот фустан да виси само во плакарот, Сара го носеше на вакцинацијата“, објави твит на Универзитетот во Мериленд.
– Тоа беше прослава за мене. Имаше толку грди моменти за време на пандемијата, толку многу работи што беа откажани, а овој фустан, ако ништо друго, претставува надеж – рекла Сара, а пренесува Инсајдер.