Сопствениците на миленичиња веројатно наишле на ситуација кога нивното куче изразува емоции како љубомора доколку забележи дека галите друго куче.
Една научна студија сега откри дека кучињата навистина можат да бидат љубоморни затоа што тие го доживуваат другото куче како нивен ривал ако нивниот сопственик обрне внимание на него. Имено, во студијата биле вклучени 18 кучиња и нивните сопственици кои биле сместени во просторија во која биле или цилиндар од руно или куче-играчка. Домашните миленици кои биле на поводник го виделе својот сопственик како го гали нивниот „ривал“, по што бил поставен екран меѓу нив.
„Сакавме подетално да го проучиме ваквото однесување за да утврдиме дали кучињата, како и луѓето, можат ментално да претставуваат ситуација што предизвикува љубомора“, рече водечката авторка на студијата Амалија Бастос од Универзитетот во Окланд.
Научниците се заинтересирани да ја проучуваат љубомората кај животните, бидејќи таа е поврзана со самосвест.
Овие резултати ги поддржуваат тврдењата дека кучињата покажуваат љубоморно однесување. Тие исто така ги даваат првите докази дека кучињата можат ментално да замислат социјални интеракции што предизвикуваат љубомора, вели Бастос.
Потребна е поголема научна работа за да се воспостави чувство на сличност помеѓу човечкиот ум и умовите на другите животни, особено кога станува збор за разбирање на природата на емоционалните искуства на нечовечки животни.
Прерано е да се каже дали кучињата доживуваат љубомора на ист начин како и луѓето, но сега е јасно дека тие реагираат на ситуации што предизвикуваат љубомора, дури и кога се случуваат надвор од нивната околина, додава авторот на студијата објавена во списанието „Psychological Science“.
