Повеќе близнаци се раѓаат во светот од кога било досега, потврдија истражувачите.
Секоја година, 1,6 милиони близнаци се раѓаат во светот, а едно од 42 деца се раѓа како близнак.
Поради одложеното раѓање на деcata и употребата на медицински техники како што е IVF, бројот на близнаци се зголеми за една третина од 80-тите години на минатиот век.
Но, тоа може да се промени бидејќи фокусот се префрла на едно бебе по бременост, што е исто така помалку ризично.
Врвот во бројот на родени близнаци е достигнат поради големиот пораст во сите региони во изминатите 30 години. Зголемување од 32 проценти е забележано во Азија, а во Северна Америка за 71 процент.
Истражувачите собрале информации за близнаци од 165 земји меѓу 2010 и 2015 година и ги споредиле со податоците од 1980 до 1985 година.
Бројот на близнаци на илјада раѓања сега е особено голем во Европа и Северна Америка и се зголемил од 9 во 1.000 раѓања на 12 во светот.
Бројот на близнаци во Африка отсекогаш бил голем и тоа не се променило многу во изминатите 30 години, а причината може да биде растот на популацијата.
Околу 80 проценти од близнаците се родени во Африка и Азија кога станува збор за близнаци родени ширум светот.
Главните причини за зголемувањето на бројот на близнаци во Европа, Северна Америка и Океанија е зголемувањето на употребата на медицински потпомогната репродукција од 1970-тите.
Одлуките на жените да основаат семејства на „постари“ години, зголемената употреба на контрацепција и ниската плодност, исто така, играат улога.