Окинава е позната како „сина зона“ – дом на некои од најдолговечните луѓе на планетата. Тајната не се лекови или одредена храна, туку поврзаноста со најблиските.
Архипелагот Окинава во Јапонија руши рекорди во просечната возраст на населението. Се состои од 160 острови што граничат со Тихиот океан со суптропска клима, а љубезните Окинавци се најдолговечни луѓе на светот.
Нивните животни навики и исхрана укажуваат на тоа дека жителите на овој остров се најздравите луѓе на планетата.
На прв поглед, тие изгледаат поразлично од другите жители на Јапонија. Можеби тоа е последица на различните животни навики на жителите на Окинава и употребата на различна храна, како што се горчливата лубеница и чајот од куркума.
Книгата „Окинавците – најдолговечните луѓе на светот“, напишана од д-р Макото Сузуки и Бредли и Крег Вилкокс во соработка со експерти од Министерството за здравство на Јапонија, го претставува начинот на живот на овие островјани.
Книгата се однесува на научни истражувања и документи од базата на податоци на Окинаванските стогодишни студии.
Постарата популација на островот Окинава не го признава концептот на пензија, туку тие сметаат дека човекот треба да остане активен до крајот на животот, опкружен со позитивни мисли и среќни луѓе.
Секако, важна е и генетиката, редовното вежбање и здравата исхрана.
Разновидна храна од растително потекло
За целите на една студија, педесет и тројца стогодишници од Окинава користеле 206 различни намирници во својата исхрана, вклучувајќи лековити билки.
Во текот на денот, секој стогодишник јадел околу 18 различни јадења, 78 проценти од храната била од растително потекло. Пет видови овошје и зеленчук на ден, две мешунки.
Оризот е најчесто консумирана храна на островот Окинава.
Жителите на островот користат сложени јаглехидрати во исхраната, кои треба да бидат претставени со околу 54 проценти, а земаат шеќер од сирова шеќерна трска. Внесувањето на сол е ограничено на шест грама на ден.
Тие исто така имаат ограничен внес на маснотии од околу 15 проценти на ден.