За Адолф Корс се трагало со месеци. Семејството добило барање за откуп, киднаперот побарал половина милион долари, а потоа тој повеќе не се јавил.
Во февруари 1960 година била покрената една од најголемите истраги во историјата на ФБИ, по киднапирањето на Адолф Корс Трети, внук на славниот бизнисмен и сопственик на американската пиварница Адолф Корс.
На 9 февруари, Корс ја напуштил работата во својот дом во Морисон, Колорадо. Внукот на основачот на познатата фабрика и тогашен директор на успешната пиварница никогаш не стигнал до канцеларијата. Неговиот автомобил го пронашол човек кој доставувал млеко, кој претходно бил изнервиран бидејќи караванот му го блокирал патот. Откако свирел неколку пати, излегол од комбето за да се „пресмета“ со возачот. Се приближил до автомобилот кој бил со вклучен мотор од кој се слушало радио, но потоа сфатил дека возилото е празно и дека има траги од крв во него. Тој веднаш ја алармирал полицијата.
Наскоро било утврдено дека автомобилот е на директорот на пиварницата Корс. На крајот од патот, пронајдено е неговото капче и некои други лични предмети. Еден ден подоцна, сопругата на Корс, Мери, која нетрпеливо чекала со своите четири деца за каква било вест за нејзиниот сопруг, добила писмо напишано на машина за пишување. Тоа било побарувачка за откуп, биле побарани 500.000 долари. Иако се придржувала на сè што се бара од неа, киднаперот никогаш не и се јавил повторно.
Следувала обемна потрага по милионерот, но со денови полицијата не наоѓала ниту една трага. Сепак, откако биле земени изјавите на очевидците, коцките почнале да се составуваат и се открило дека Корс бил киднапиран од Валтер Озборн, односно Џо Корбет. Тогаш започнала една од најголемите истраги во историјата на ФБИ.
Кој бил Џо Корбет?
Човекот кој го киднапирал, а потоа го убил милионерот на 9 февруари бил осуденик за убиство, кого полицијата го трагала две години затоа што избегал од затвор. Имено, во 1951 година, Корбет, тогашен студент по медицина, убил еден американски воздухопловец за време на расправија. На кратко судење, тој признал убиство од небрежност, но бил осуден на неколку години затвор во озлогласениот затвор Сент Квентин. По неколку години, заради добро однесување, тој бил префрлен во институција со послабо обезбедување, од каде што успеал да избега. Тој се сокрил од полицијата користејќи го лажниот идентитет на Валтер Озборн.
Трага што го поврзала со киднапирањето
Осум дена откако Корс исчезнал, во Атлантик Сити бил пронајден запален автомобил. Веднаш станало јасно дека пожарот е подметнат. Сепак, пожарот не ги уништил сите докази … Бројот на мотори открил дека автомобилот му припаѓал на Валтер Озборн, но дека се води на името на Џозеф Коберт Постариот, таткото на бегалецот кој го барала полицијата.
Бидејќи неколку сведоци го виделе истиот автомобил како и деновите пред киднапирањето како се врти околу областа каде последен пат бил виден Адолф Корс на 9 февруари, на полицијата сè и било јасно. Во исто време, траги од земја и прашина пронајдени од форензичарите веднаш го „сместиле“ автомобилот на местото каде што бил киднапиран милионерот.
Областа за пребарување само се проширила, од Калифорнија до Атлантик Сити, Њу Џерси … Корбет станал еден од топ 10 најбарани бегалци во САД. Сепак, со недели и месеци не успеале да му влезат во трага, како и на неговата жртва.
Седум месеци по киднапирањето, пристигнала вест дека семејството Корс стравува. Полицијата добила повик од група планинари кои пронашле парчиња облека во шумата во близина на Седалија, Колорадо. Се воспоставило дека тоа биле панталоните на Корс, пронашле и приврзок со натпис AK III во џебот. Недалеку од таму, на 11 септември, биле пронајдени неговите остатоци. Трагите на неговата јакна, како и обдукцијата, покажале дека тој бил убиен со два куршума во грбот.
Во тоа време, веќе било утврдено дека барањето за откуп било напишано на машината за пишување на Корбет, како и дека тој нарачал лисици, букаги, но и оружје по пошта неколку месеци пред киднапирањето. Веќе немало никакво сомневање, Корбет бил човекот кој го киднапирал и убил милионерот. Наскоро, повеќе од 1,5 милиони постери со неговиот лик биле залепени на улиците низ САД, а агентите продолжиле со потрагата сè додека не го пронашле во Канада на крајот на октомври истата година. Тој бил уапсен во Ванкувер во мотел откако го пријавила жена која го препознала од потерницата.
Сопственичката на мотелот им се јавила и им рекла дека човек кој неверојатно изгледа како бегалецот престојува во една од собите. Таа рекла дека се довезол со црвен Понтијак. Полицијата го пронашла автомобил пред мотелот, а потоа го фатиле и него. Наводно, кога агентите на ФБИ му тропнале на вратата, тој рекол: „Јас сум тој што го бараш, се предавам“.
Наскоро бил екстрадиран во САД. Корбет се бранелсо молчење, но полицијата веќе имала доволно докази. Тој бил осуден на доживотен затвор во 1961 година, но по 18 години бил пуштен на условен отпуст.
Во единственото интервју што го дал за медиумите во 1996 година, тој тврди дека не го киднапирал Корс и дека е невин. Тој извршил самоубиство на 24.08.2009 година.
Црната судбина на семејството Корс
Долго време по убиството на Адолф III, луѓето зборувале за злобната судбина на семејството, кое своето богатство го стекнале со напорна работа. Се шушкало за мистериозната смрт на основачот на познатата пиварница Адолф Корс, кој бил пронајден мртов во 1929 година, но никогаш не било утврдено дали е убиен или извршил самоубиство.
Имено, уште во 1873 година, Адолф дошол од Германија во САД за да го „живее американскиот сон“. Почнал мал бизнис, го сакале и го почитувале во Колорадо, а бизнисот се развивал и Корс заработувал многу пари. Иако прохибицијата била на сила, таа не влијаела премногу на пиварницата Корс, која сепак заработила неверојатни суми. Затоа сите биле изненадени од веста за неговото наводно самоубиство во јуни 1929 година.
Имено, неколку месеци пред Големата криза, Корс (82) бил пронајден мртов во дворот на луксузен хотел каде дошол да се опорави бидејќи претходно боледувал од грип. Лекарот ги советувал него и неговата сопруга да одат на брегот на Атлантикот, за да може Корс да дише чист воздух. Првите неколку недели од престојот во хотелот Кавалиер, Корс уживал во прошетки и дружења со луѓе.
Сепак, на 5 јуни, Корс бил пронајден мртов. На трагичното откритие му претходело тап звук на пад и крик на една од собарките на хотелот. Вработените и гостите го забележале тело на милионерот на бетонот пред хотелот. Според сведочењето на еден од неговите чувари, Корс тоа утро станал рано и отишол до прозорецот … Не е познато дали скокнал, паднал или можеби некој го турнал.
Се шпекулирало дека зад оваа мистериозна смрт може да стои раката на наследникот кој сакал што побрзо да го искористи богатството, но тоа, се разбира, никогаш не било докажано.
Обдукција никогаш не била направена … останува мистерија како Корс од шестиот кат одеднаш завршил на тротоарот пред хотелот. Семејството се сожалила и го закопала, а пиварницата продолжила успешно да работи со децении подоцна, и покрај новите трагедии што му се случиле на семејството.
https://youtu.be/HhkoBqaU5HU