Откако еден корисник на „Редит“ објави фотографија на таа социјална мрежа каде тој наздравува со своите пријатели со шишиња алкохол среде дивина, бројни коментатори започнаа дискусии за тоа колку луѓе има на фотографијата.
„Се колнам дека сме четворица“, напиша тој во описот.
На многумина не им беше јасно каде се наоѓа четвртата личност, но ако подобро ја погледнете фотографијата, сè ќе ви биде јасно.
„Мојот мозок одбива да верува дека има четири лица на фотографијата“, напиша коментаторот.
„Јас сум збунет. Гледам четири шишиња, но три раце”, се согласил другиот.
Еден корисник можеше да открие за што станува збор.
„Четврто лице носи јакна со дезен што ја камуфлираше неговата рака“, напиша тој.
„Ми требаа три дена да го најдам“, се пошегува друг коментатор.