Куманово се разбуди на -12 степени, еве какво ќе биде времето денеска

Дванаесет степени под нулата се измерени утринава во Куманово, покажуваат податоците на Управата за хидрометеоролошки работи.

Оттаму додаваат дека во Македонија, утрото ќе биде претежно ведро и студено, преку денот сончево со мала до умерена облачност.

Ќе дува слаб ветер од северозападен правец. Максималната температура ќе биде во интервал од -3 до 5 степени.

Во Куманово и околината денеска ќе имаме сончево до умерено облачно време. Ќе дува слаб ветер од северен правец, а максималната дневна температура по неколку дена повторно ќе биде во позитива и ќе изнесува еден степен.

Висината на снежната покривка во Куманово изнесува пет сантиметри.

Никола Ивановски