Џеки Волер исчезнала во 2011 година, неколку дена пред нејзиниот 39-ти роденден. Никој не знаел каде е мајката на три деца.
Нејзиниот сопруг Клеј Волер и испратил порака во која тој плачел и ја молел да му се јави. Но, сето тоа било само дел од шоуто.
Она што тогаш загрижената американска јавност не знаела е дека Клеј ја убил својата сопруга и го закопал нејзиното тело покрај реката.
Подоцна, тој само го играл шоуто добро пред сите.
И сè започнало вака: Џеки се омажила за Клеј, човек кој нејзиното семејство не го сакало. Сите се сомневале како се однесува, но Џеки била заљубена во него. Била толку заљубена што му родила три деца.
Подоцна се покажало дека Џеки открила дека Клеј ја изневерува, па отишла кај адвокат и ги предала документите за развод.
Кога го уапсиле, Клеј рекол дека дури и една година пред разводот, тој „прелетал со хеликоптер над областа околу Ѓаволскиот остров, на бреговите на реката Мисисипи, барајќи соодветно место за да ја закопа Џеки кога ќе ја убие“. Но, тогаш тој се откажал од сè во желба да го „поправи бракот“.
Двојката влегла во бракоразводна парница во март 2011 година, а Клеј тогаш и пред тоа и се заканил на Џеки дека „ќе потпише смртна казна ако се разведе од него“.
Тој го сторил тоа што сакал да го стори: Клеј ја претепал и задавил Џеки во нивната семејна куќа во Џексон, а потоа го однел нејзиното тело со брод и го закопал во гробот што го ископал во март 2011 година (а убил во мај).
Дури во 2013 година било откриено дека Клеј ја убил Џеки, а потоа тој се согласил да ја однесе полицијата до нејзиниот гроб, сè со цел да добие помала казна. Во 2016 година, тој напишал книга во која ги опишува сите ужаси што ги сторил, а причината зошто ја убил својата сопруга е „затоа што тој не сакал да остане без неговите деца, бидејќи таа ќе добие старателство пред суд“.
Клеј бил осуден на 35 години затвор и му било забрането да заработува пари од продажба на книгата или приказна за филм или серија.