Американската крајбрежна стража спасила тројца Кубанци од ненаселен остров во близина на Бахамите, кои биле изгубени таму 33 дена!
Станува збор за жена и двајца мажи, кои, како што се наведува, преживеале јадејќи кокос, школки и глувци.
#UPDATE @USCG rescued the 3 Cuban nationals stranded on Anguilla Cay. A helicopter crew transferred the 2 men & 1 woman to Lower Keys Medical Center with no reported injuries. More details to follow.#D7 #USCG #Ready #Relevant #Responsive pic.twitter.com/4kX5WJJhs8
— USCGSoutheast (@USCGSoutheast) February 9, 2021
„Неверојатно е што успеале да преживеат толку долго“, рекол еден од спасувачите.
Кубанци биле забележани на остров меѓу Флорида и Куба.
За време на редовната патрола, членовите на хеликоптерскиот екипаж ги забележале како мавтаат со импровизирани знамиња на гребенот на Ангиља.
Од хеликоптерот фрлиле радио, храна и вода на островот, а дури следниот ден ги спасиле поради лошите временски услови.
#BreakingNews @USCG is assisting 3 people who have reportedly been stranded on Anguilla Cay, Bahamas for 33 days. An Air Station Miami HC-144 Ocean Sentry aircrew has dropped a radio, food and water. More to follow.#D7 #Ready #Relevant #Responsive #searchandrescue #USCG pic.twitter.com/D263ptTarz
— USCGSoutheast (@USCGSoutheast) February 9, 2021
Тие не биле повредени, но сепак биле пренесени во медицинскиот центар во Флорида на преглед.
Оттаму е откриено дека се дехидрирани и покажуваат знаци на замор, но тие биле во одлична состојба со оглед на тоа колку долго биле препуштени сами на себе.
„Им било многу тешко затоа што немале вода за пиење“, рекол Мајк Алерт, пилот на хеликоптер.
Тројцата Кубанци им соопштиле на припадниците на крајбрежната стража дека пред пет недели нивниот брод потонал во морето поради бурното невреме и дека тие сами пливале на островот. Други детали за престојот на пустиот остров не биле познати.