Времето денеска во Македонија ќе биде претежно облачно со повремени врнежи од дожд, кои пообилни ќе бидат во западните делови, особено претпладне и кон крајот на денот, а локално таму ќе наврнат и над 25 л/м2.
На планините ќе врне снег, информираат од Управата за хидрометеоролошки работи.
Ќе дува слаб до умерен јужен ветер. Минималната температура ќе биде во интервал од 3 до 7, а максималната ќе достигне од 6 до 14 степени.
Во Куманово и околината денеска ќе имаме облачно време со врнежи од дожд. Ќе дува слаб ветер од североисточен правец.
Утринската температура ќе се движи околу петиот степен, а максималната дневна се очекува да достигне до 6 степени целзиусови.
Во следните денови ќе преовладува облачно време со повремени врнежи од дожд.
Врнежите најобилни ќе бидат во западните делови, каде на планините ќе врне снег и значително ќе се зголеми снежната покривка, особено во Шарпланинскиот масив.
Врнежите повремено ќе преминуваат во снег и на некои повисоки места.
Никола Ивановски