Пред неколку години, светот полуде по фотографиите на набилданиот осумгодишен Ричард Сендрејк.
Како фитнес ентузијаст од рана возраст, тој стана апсолутен хит на интернетот поради стомачните мускули, на кои им завидуваа и возрасните.
Ричард тогаш беше познат како „најсилното дете на светот“, а за него беше направена проверка во 2004 година.
Тој наводно тежел 40 килограми како осумгодишно дете, поради што го добил прекарот „Малиот Херкул“.
Неговите родители наскоро го ангажирале професионалниот тренер Френк Џардин да ја започне професионалната кариера на момчето, по што започнале спонзорски договори и пари…
Наскоро било откриено дека неговиот татко Павел бил уапсен затоа што ја претепал мајката на момчето Лена кога Ричард имал 11 години.
Имаше гласини дека таткото го малтретирал својот син, поточно, го присилил да стане боди-билдер. Наводно, Ричард морал да спие на подот, а неговиот татко му забранил да игра со други деца додека не наполни 10 години.
Британските медиуми потоа ги пренесоа изјавите на некои лекари кои се сомневаа во можноста дете да се развие на таа возраст без употреба на стероиди.
По „светската слава“ и полемиките, Ричард го напушти светот на боди-билдинг во 2015 година. Сега има 23 години и открива зошто – „Уморен сум од сето тоа“.
Денес работи како каскадер во филмско студио во Лос Анџелес, а во кондиција останува без теретана – скејтбордот и трчањето по скалите сега му е тренинг.